miniZibaldone

The Freeman's Lastimosa Bisan inosenteng panagsungi sa negosyo di luwas atol sa martial law sa diktadura ni Ferdinand Marcos. Tungod sa koneksiyon sa kakostablehan ug kapolisan (kay PC/INP  pa man niadto) sa usa ka negosyante dinhi sa Sugbo, nakugang na lang ang iyang gikalalis nga duha ka negosyante nga mga dinakpan na sila ug gida sa Kampo Sotero  Cabahug (karon headquarters sa Cebu City Police Office). Giingnan sila sa imbestigador nga gidakop sila pinasikad sa Arrest, Search and Seizure Order (ASSO). Pasabot  nga wa pay kaso nga napasaka batok nila sa korte, gani way klaro unsay ilang kaso, apan di sila makapiyansa ug padayong matanggong hangtod nga mahusay ang ilang  problema. Ang biktima nga mga politiko nga nakalingkawas sa kalbaryo sa ASSO nakaasoy sa pait nilang kasinatian ug napasidunggan nang mga bayani sa pakigbisog sa  ngiob nga katuigan sa diktadura. Apan ang ASSO mahimong nakabiktima sab sa mas daghang kasarangang sibilyan. Nga mahimong wa makas...